BLGMNDYBRN

Mau öppis ganz angers…

Bäschtu — Tue, 31 Aug 2010 17:34:51 +0000

… chönnt me mache statt nume pub und so.

Da dr Chm mau wider id ferie geit (är wirds wou verdient ha) übernimeni mau wider e so ne mäntig.

Mir Bärner hei ja öppis wome eigentlech fasch geng gseht wennme mitm Zug über ds Lorraine Viadukt fahrt. Wär ganz aut isch, däm chunnt iz no die roti Brügg i sinn wo isch derte gstande wo iz äbe das Viadukt isch. Aber vo däm redemer nid sondern eigentlech geits drum, dasme eigentlech mau ids Souslepont chönnti. Isch so ne Ifau, nachdäm dr @nachtmeister (auso bärndütsch gseh dr Nachtmeischter - me luegt uf ds SCH zwüschdrinn) eitag het gseit dases dert das wunderbare eisidlerbier gäbi.

D Red isch ganz klar vor Ritschueu auso besser gseit vom Sous-le-Pont ir Ritschueu. I dänke das wär mau e idee. Öbs e seich isch oder nid säget dir.

Wasmer o no grad so düre chopf geisteret wär zum Bispiu d Dampfere wome mau zum Oli chönnt (dert gäbs de drfür Egger Bier) und me wär flexibu, wenn ds wätter grandios wäri chönntme o dusse hocke.

I lähne iz mau zrügg und luege wasdr meinet.

Ume ids Pub

chm — Mon, 02 Aug 2010 09:35:29 +0000

Ig bi grad us de Ferie zrügg und drum isch ds Deheime no nid so bsuechertauglech. Dä Monet wird auso no nüt mit Loftgucken.
Und drum mache mir das Träffe vo hüt Aabe wieder einisch im Pickwick Pub bim Hirschegrabe z’Bärn.

Wie immer:
- ab de 6i
- alli härzlech willkomme

Who’s next?

chm — Mon, 05 Jul 2010 06:49:16 +0000

Aalässlech vom letschte BLGMNDYBRN het dr Steve sis nöie Gädtschet vorgsteut.
Är het sech zimlech Müeh gäh, so mit Präsentation und so…

Ig bi scho gschpannt, ob hüt am Aabe wider öpper öppis vorsteut. Mir träffe üs uf jedefau wider ab de 6i am SummerBeach uf dr grosse Schanze zumene chüele Bierli oder so.

BLGMNDYBRN goes BEACH!

chm — Mon, 07 Jun 2010 07:36:49 +0000

Oléolé, dr Summer isch da. Ändlech Zyt zum dusse hocke und gniesse!
Und da mir syt churzem z’Bärn o ä Beach hei, träffe mir üs hüt am http://www.summerbeach.ch abem 6i uf dr grosse Schanze.
Äs het o ä Pool, me cha auso o ds Bikini mitnäh…

Wie immer si aui härzlech willkomme, egau ob Blogger, Twitterer, Tumblerer odr süsch Onlinerer. (Uf di gschlächtsneutrali Formulierig hani itz mau verzichtet.)

Ei ei ei… scho Mai!

chm — Mon, 03 May 2010 10:22:18 +0000

Auso dä April isch scho extrem schnäu düre gsi. U drum träffe mir üs hüt am Aabe scho wider zum nächschte BLGMNDYBRN.
D’ Lokäischen vom letschte Mau isch offebar sehr guet aachoo. U drum hocke mir grad no einisch abem 6i im Pickwick Pub bim Hirschegrabe.

Wie immer si alli härzlech willkomme.

BLGMNDYBRN April 2010

Bäschtu — Mon, 12 Apr 2010 10:22:52 +0000

Wie scho im Kommentar gschribe träffe mir üs hüt ab de sächse im Pickwick (Wallgasse Bern) zum monatleche BLGMNDYBRN.

Kei Stress ar Oschtere…

chm — Mon, 05 Apr 2010 08:49:33 +0000

… und deshalb brauchen sich die Familienväter oder sonstig ~~verurteilte~~ engagierte Personen nicht heute heimlich davonschleichen und am BLGMNDYBRN teilnehmen.

Das nächste Treffen wird um eine Woche auf den 12. April verschoben. Zu diesem Zweck wird noch eine gemütliche und zentral gelegene Beiz in Bern gesucht. Vorschläge werden in den Kommentaren gerne entgegengenommen.

BLGMNDYBRN im März

chm — Mon, 01 Mar 2010 09:19:08 +0000

Jaja, o i däm Monet gits ä BLGMNDYBRN. Wie immer…
Abem 6i trifft me sich hüt am Aabe im Rest. Christoffel im Bahnhof Bern. Und wär när no ids Musigbistrot zum Rauschdichten wott witerzieh, cha das säubstverständlech gärn mache.

BLGMNDYBRN Februar 2010

Bäschtu — Mon, 25 Jan 2010 15:29:17 +0000

Da dr Rouge und dr Eckston äuä grad zäme im Kafi sitze und übere nächst Mänti philosophiere gibeni mau dr Stei vom Astoss frei.Datum o geng wie geng dr erst mänti im Monet : 01. Februar 2010Zur uswau stö zwöi Optione

Menü “Geng wie geng” im Christoffu
oder d Saisonspezialität “Rauschdichten” im Musigbistrot Monbijou bim Fuad

Stimmet mau ab, kommentieret machetwiederweit -> http://doodle.com/bnh967xnt5awpris Fauses so usgseht aus gäbs es Ruschdichte macheni de no e seperati amäudig dasmer o e Tisch chöi reserviere Neuerig! Dr Tinu het d Idee gha dasmeris glich gäg die sächse bim Christoffu träffe und derte mau dr ordinär Mänti mache und speter chöi die wo sech hei agmäudet (vier an der zahl : Habi, Hosä, Christian und Bäschtu) ids Musigbistrot verschiebe. Dert wirds när e Tisch für üs gä. Beginn im Bistrot isch 21.00 Uhr

Äs guets 2010!

chm — Mon, 04 Jan 2010 09:15:00 +0000

Nöis Jahr(zähnt), alti Gwohnheite…

Mir träffe üs hüt ab de sächsi wider einisch im Rest. Christoffel im Bahnhof Bern zum zäme aastosse und plaudere.